נאָך 30 יאָר פֿון דערשײַנען ווי אַ וועכנטלעכע צײַטונג, קערט דער "פֿאָרווערטס" זיך אום צו זײַנע וואָרצלען. ער וועט נאָך אַ מאָל פּובליקירט ווערן טעגלעך, פֿינף מאָל אַ וואָך, אָבער איצט — מיטן אַרײַנגאַנג אינעם 21סטן יאָרהונדערט און אַ דאַנק דער נײַער טעכנאָלאָגיע — אויף דער אינטערנעץ, אָנהייבנדיק פֿונעם 4טן פֿעברואַר. מיר האָבן אַרײַנגעלייגט וואָגיקע רעסורסן, כּדי אײַך קענען אָנבאָטן אַ מער פֿאַרשיידנאַרטיקן און בעסערן זשורנאַליזם אויף ייִדיש בנוגע דער ייִדישער וועלט, און אַנטוויקלען yiddish.forward.com אין אַ מער לעבעדיקן, צוטריטלעכן און הײַנטצײַטיקן מעדיאַ־פּאָרטאַל פֿאַר דער וועלט־קהילה פֿון ייִדיש־לייענער, רעדער, לערנער און ליבהאָבער.
מיר דערגרייכן שוין מער מענטשן דורך דער אינטערנעץ ווי דורך דער געדרוקטער אויסגאַבע און ווילן צוקומען צו אונדזער פּאָטענציעלער לייענערשאַפֿט מיט מער אַנטוויקלטע מיטלען, מיט אַ פֿיל־מיניקן אינהאַלט און מכשירים, און מיטן באַניץ פֿון דיגיטאַלישער טעכנאָלאָגיע. אין גיכן וועט איר זען נײַע "בלאָגס", מער קלאַנג־ און ווידעאָ־פּראָגראַמען, און מעגלעכקייטן פֿאַר נישט־ייִדיש־קענער צו פֿאַרשטיין אונדזער וועבזײַט, אַ דאַנק די אונטערקעפּלעך אויף ענגליש. אין דער געדרוקטער צײַטונג, ווי אויך אויף דער אינטערנעץ, וועלן די נײַע, לעבעדיקע זײַטן פֿונעם "פֿאָרווערטס" ווײַטער שטעלן דעם טראָפּ אויף די טעמעס וואָס זענען צום האַרצן אונדזערע געטרײַע לייענער: נײַעס און רעפּאָרטאַזשן, קונסט און קולטור, ליטעראַטור, שפּראַך און פֿאָלקלאָר.

אויף דער וועבזײַט, אין עטלעכע חדשים אַרום, וועט איר קענען ניצן די "גיט אַ קוועטש"־טעכנאָלאָגיע און באַקומען תּיכּף איבערזעצונגען אויף ענגליש פֿון די ייִדישע ווערטער אויפֿן יסוד פֿונעם נײַעם "אַרומנעמיק ייִדיש־ענגליש ווערטערבוך", וואָס וועט העלפֿן מאַכן אונדזערע אַרטיקלען מער פֿאַרשטענדלעך פֿאַר אַ סך לייענער. אונדזערע נײַע "בלאָגס" וועלן דעקן אַ ברייטע גאַמע פֿון ייִדיש־שטימען און מיינונגען און געבן אײַך די מעגלעכקייט זיך צו באַטייליקן אין די שמועסן. מיר האָפֿן אַרײַנצוציִען מער חסידישע לייענער און שרײַבער אין דער דיסקוסיע מיט אַ בלאָג וואָס הייסט — "אידיש מיט אן אלף", וואָס די חסידים גרייטן אַליין צו. מע קען זיך פֿילן היימיש אינעם בלאָג "נײַעס פֿאַר בני־בית". "ווײַטער", אונדזער פּובליקאַציע פֿאַר ייִדיש־סטודענטן, ווערט מגולגל אין אַ צײַטשריפֿט מיט אינטעראַקטיווע מעדיאַ־מעגלעכקייטן.
צו אונדזער אוצר פֿון ווידעאָס, וועט איר קענען איצט הנאה האָבן פֿון דער פּראָגראַם "וואָך בײַ וואָך", וואָס וועט אָפּמערקן וויכטיקע דאַטעס אויפֿן קאַלענדאַר, פֿאַרבונדן מיט ייִדיש־פּערזענלעכקייטן און געשעענישן. אין דער סעריע "ייִדישע פּרנסות" וועט מען זיך באַקענען מיט די פֿאַרשיידענע מלאָכות און פֿאַכן פֿון די ייִדן אין ניו־יאָרק. אין דער נײַער פּראָגראַם "שיין בייקער אין שיין שאָו" וועט אײַך פֿאַרווײַלן דער פּאָפּולערער אַקטיאָר און רעציטאַטאָר. אַוודאי, וועט איר ווײַטער קענען זען אײַערע אַנדערע באַליבטע פּראָגראַמען ווי "עסט געזונטערהייט!" "רײַזעס פֿון אַ ניו־יאָרקער ייִד" און "צו גאַסט בײַם ׳פֿאָרווערטס׳". דערצו וועלן מיר אײַך פֿאַרבינדן מיט די נײַסטע און בעסטע ווידעאָס געשאַפֿן פֿון אַנדערע אויף דער אינטערנעץ.
יעדן טאָג וועלן מיר שטעלן דעם טראָפּ אויפֿן גערעדטן לשון אין אַ נײַער סעריע ראַדיאָ־רעפּאָרטאַזשן אויף ייִדיש פֿון דער גאַנצער ייִדישער וועלט, מיט קאָרעספּאָנדענטן אין די פֿאַראייניקטע שטאַטן, ישׂראל, רוסלאַנד, פּוילן, פֿראַנקרײַך, אַרגענטינע און אויסטראַליע. זיי וועלן אײַך דערציילן וועגן דעם לעבן און טעטיקייט אין זייערע קהילות.
כּדי אונדזער רעדאַקציע זאָל די ריזיקע פֿאַרברייטערונג אויף דער אינטערנעץ קענען דורכפֿירן, וועלן מיר מוזן דרוקן אונדזער צײַטונג יעדע צוויי וואָכן, אָנהייבנדיק פֿון די ערשטע וואָכן אין פֿעברואַר.
נאָר אַ דאַנק דער פֿינאַנציעלער שטיצע פֿון לייענער ווי איר, קען דער "פֿאָרווערטס" ממשיך זײַן די ממשותדיקע ראָלע וואָס ער שפּילט אויף דער ייִדישער גאַס אין דער וועלט. מיר זענען ספּעציעל דאַנקבאַר דער "מאַקס און אַנאַ לעווינסאָן־פֿונדאַציע" פֿאַר זייער ברייטהאַרציקער סובווענץ איבערצומאַכן אונדזער וועבזײַט. מיר בעטן אײַך אויך צו ווערן שטיצער, און געבן אַ שטײַערן־פֿרײַ בײַשטײַער אויף דער וועבזײַט:
yiddish.forward.com/join
אין תּוך זענען די נײַע באַמיִונגען אין דער טראַדיציע פֿון "פֿאָרווערטס", וואָס דערשײַנט שוין באַלד 116 יאָר — צו ברענגען דעם בעסטן זשורנאַליזם אויף ייִדיש, און אויך מיט אײַער שטיצע, בעסער צו דינען דער גלאָבאַלער ייִדישער קהילה אין די קומעדיקע 120 יאָר.

באָריס סאַנדלער שעף־רעדאַקטאָר

שמואל נאָריך פֿאַרלעגער און פֿאַרוואַלטער

Dear Readers,
After 30 years as a weekly newspaper, the Forverts is both returning to its roots and stepping into the future by once again publishing daily – five days a week – on the Internet, beginning February 4. We’re investing significant resources to offer you more and better coverage of the Jewish world in Yiddish, by making yiddish.forward.com a more lively, accessible and timely multimedia portal for the worldwide community of Yiddish readers, speakers, learners and lovers.
We already reach more people online than we do with our printed newspaper, and we see great potential to further expand and diversify our audience with a wider variety of content and tools, enabled by digital technology. Soon you will see new blogs, more audio and video offerings, and more options for subtitles and translation – spread throughout a more contemporary and cosmopolitan website. In print as well as online, the Forverts’ lively new pages will continue addressing topics that you, our loyal readers, have told us you love to read about: news and current affairs; art and culture; literature, language and folklore. On the website, you might make use of pop-up translations, from the new Comprehensive Yiddish-English Dictionary, which will help make articles more readily understandable to many readers.
Our new blogs will present you with a wider range of Yiddish voices and opinions, and allow you to participate in the conversations. We hope to draw more Haredi readers and writers into the conversation with a blog we'll call "Yiddish with an Aleph." (Haredi writers spell the word Yiddish with an aleph, instead of a yud.) You can pick up, and share, ideas on making a heymish home on "No Place Like Home." And you’ll see "Vayter," our publication for Yiddish students, transformed in a more timely and interactive medium.
Added to our treasury of videos, you’ll find "Week By Week," marking milestones on the calendar connected to Yiddish personalities and events; "It's a Living," exploring the wide spectrum of Jewish professions and practitioners; and "The Shane Show," featuring popular Yiddish actor and raconteur Shane Baker. Of course, you’ll still find your favorites, such as "Travels of a New York Jew," "Eat in Good Health" and "A Guest at the Forverts." And we’ll guide you to the latest and best Yiddish videos that others are creating.
Every day, we will also accentuate the spoken word for you in a new series of Yiddish radio reports from around the Jewish world, with correspondents based in the United States, Israel, Russia, Poland, France, Argentina and Australia.
To allow our staff to accomplish this enormous expansion of our service on the Internet, we will print our newspaper every other week, beginning with the first issue in February.
Only with the financial support of readers like you can the Forverts sustain its critical role at the heart of Yiddish culture. We are especially grateful to the Max & Anna Levinson Foundation for a generous grant for the revitalization of our website. We ask that you join them by making a tax-deductible donation at yiddish.forward.com/join.
We are confident this realignment of our efforts will allow us to honor our nearly 116-year commitment to quality journalism in Yiddish, and, with your support, to better serve the global Jewish community for the next 120 years.

Boris Sandler Editor

Samuel Norich Publisher & CEO