טײַערע זומערדיקע מאַמע,

יאָ, אײַערע קינדער דאַרפֿן מיט עפּעס זיך פֿאַרנעמען בעת די זומער־חדשים, און דאַרפֿן פֿאָלגן נאָך עפּעס אַ סטרוקטור בײַ טאָג. זומערלעב — ס'איז די צײַט צו שלאָפֿן שפּעט, קוקן אויף טעלעוויזיע און זײַן אויסגעשפּאַנט. אָבער, פֿון דעסטוועגן, דאַרפֿן זיי האָבן אַקטיוויטעטן און צילן צו דערגרייכן. איך וואָלט פֿאָרגעלייגט, איר זאָלט זיך אַוועקזעצן מיט יעדן קינד באַזונדער, און דורכשמועסן מיט אים וועגן אַ געוויסן ציל פֿאַר דעם זומער. אפֿשר קען דאָס עלטסטע קינד געפֿינען אַרבעט ווי אַ קינדהיטער, אָדער אַרבעטן אין אַ געשעפֿט צו פֿאַרדינען אַ ביסל געלט. אפֿשר וויל איינער פֿון זיי זיך לערנען ווי צו שווימען, אָדער בעסער זיך צוגרייטן פֿאַר דער שול און לייענען ביכער, אָדער פּראַקטיצירן אויף אַ מוזיקאַלישן אינסטרומענט.

זאָלן זיי אַליין טראַכטן פֿון אַ מעגלעכן ציל. אַחוץ דעם, דאַרפֿט איר זײַן שאַפֿעריש און אויך טראַכטן פֿון אינטערעסאַנטע אַקטיוויטעטן: אַ נסיעה אין אַ מוזיי צי צו דער פּלאַזשע, אַ שפּאַציר אין די בערג, אַ פּיקניק; זיי אויסלערנען ווי צו קאָכן, אאַ״וו. זאָלן אַלע זיך אַרײַנטראַכטן אין דעם צוזאַמען — כ'בין זיכער, אַז איר וועט זיך דערטראַכטן צו עפּעס אַזוינס און אַזעלעכס!

טײַערע נישט־קיין־ספּאָרטלער,

איך לייג אײַך פֿאָר דאָס ווײַטערדיקע: קלײַב אויס איין ספּאָרט, וואָס איר קענט קוקן אויף דעם עטלעכע שעה, אַפֿילו ווען איר האָט נישט קיין הנאה פֿון דעם. בעט בײַ אים, ער זאָל אײַך אויסלערנען ווי מע שפּילט דעם ספּאָרט, און זיץ מיט אים צוזאַמען זונטיק במשך פֿון איין שפּיל זונטיק פֿון דעם ספּאָרט.

דערנאָך דאַרף ער אויסקלײַבן עטלעכע שעה אין טאָג ווען ער דאַרף עפּעס טאָן מיט אײַך צוזאַמען און זיך אָפּזאָגן פֿון קוקן אויף איין שפּיל. נאָך מער — אויב איר האָט אַ ספּעציפֿישע בקשה צו טאָן עפּעס אין אַ זונטיק, דאַרף ער איין זונטיק אַ חודש זיך נאָכגעבן און טאָן די אַקטיוויטעט מיט אײַך. איך האָף, אַז דאָס וועט העלפֿן.

טײַערע שטאָלצע מאַמע,

וואַרט נישט — יעדע רגע איז טײַער.