טײַערע "נאָך נישט קיין כּלה",

מיר דאַכט, אַז אַזאַ מצבֿ טרעפֿט זיך נישט זעלטן מיט יונגע פֿרויען, וועלכע האַלטן, אַז הײַנטיקע צײַטן קאָן מען אָנהאַלטן לאַנג־דויערנדיקע באַציִונגען אָן צו ווערן פֿאַרקנסט. מע לעבט צוזאַמען און מען איז צופֿרידן פֿונעם סטאַטוס־קוואָ; מע וויל נישט אַרײַנגיין אין אַ נײַער סטאַדיע פֿונעם לעבן.

איר וועט נישט זײַן גליקלעך, אויב מע שטעלט נישט קיין חופּה, און בחור און זאָגן אים אַזוי: "איך האַלט בפֿירוש פֿון חתונה האָבן, און בין זיכער, אַז איך וויל חתונה האָבן מיט דיר. דו זאָגסט, אַז דו ווילסט זײַן נאָר מיט מיר, אָבער חתונה האָבן גייט דיר נישט אָן. דעריבער, ווי אַ טייל פֿון דײַן געטרײַשאַפֿט צו מיר און איבערגעגעבנקייט צו מײַן גליק אין לעבן, בעט איך דיך חתונה צו האָבן מיט מיר."

אויב ער איז אײַך נישט אין גאַנצן געטרײַ, טאָ וואָס זשע, דאַרפֿט איר ווײַטער בלײַבן מיט אים? אויב ער איז אײַך יאָ געטרײַ, דאַרף ער אײַך צוזאָגן אַ פֿאַרקנסונג אין משך פֿון אַ חודש. ווי טײַער דאָס רינגל וועט זײַן, דאַרפֿט איר אים פֿאַרזיכערן, איז פֿאַר אײַך נישט וויכטיק. אויך, באַרויִקט אים, אַז עס גייט אײַך נישט אין לעבן צי ס׳וועט זײַן אַ גרויסע חתונה, אָבער דאָס זיווג־לעבן איז אײַך יאָ וויכטיק און עס קומט אײַך!

טײַערע חנוכּה־מאַמע,

איך האַלט, אַז אַ חנוכּה־בוים וואָלט נישט געווען קיין געלונגענער קאָמפּראָמיס. ס׳איז דאָך נישטאָ אַזאַ זאַך ווי אַ "חנוכּה־בוים". עס וואָלט דעריבער פּשוט אויסגעזען ווי אַ ניטל־בוים, אָנגעטאָן אין "ייִדישע קליידער". איך וואָלט געמוטיקט אײַער זונדל הנאה צו האָבן און שפּילן אַרום די ניטל־ביימער פֿון זײַנע חבֿרים, זיי צו העלפֿן פֿײַערן זייער חגא. ער וואָלט אָבער אויך באַדאַרפֿט פֿאַרבעטן זײַנע חבֿרים אַהיים צו פֿײַערן, כאָטש איין נאַכט חנוכּה, מיט אים. ער קען אָנצינדן דאָס חנוכּה־לעמפּל מיט זיי, שפּילן אין דריידל, עסן לאַטקעס. זאָל ער זיך פֿילן אַנדערש פֿון זיי און זײַן שטאָלץ מיט דעם. דאָס איז אַגבֿ אַ לעקציע, וואָס ער דאַרף געדענקען אויף יאָרן, ווען נאָר עס קומט אים אַנטקעגן אַזאַ מצבֿ, ווען ער דאַרף קעמפֿן פֿאַר זיך אַליין.

טײַערע שנור,

איך בין זיכער, אַז ס׳איז שווער צו זײַן העפֿלעך צו אײַער שוויגער בעת זי שרײַט אויף אײַך. מע קען נישט אָננעמען אויף זיכער, אַז דאָס זענען אירע אמתע געפֿילן וועגן אײַך. אפֿשר ווייסט זי אַפֿילו נישט ווער איר זענט, אָדער פֿאַרמישט אײַך מיט אַנדערע, אָדער איז פֿרוסטרירט מיטן לעבן. האַלט אין זינען די גוטע זכרונות.

חופּה און האָבן קינדער.